يلنورَك طغَه وطش علَه كل الكون
يعبعوب الوَسيم وساحر النسوان
يلحسنك أبد ماوصل يوسف ليه
وما يلحگك والله حته دون جـوان
مو حقّه الوطن لو يتفاخر بيـك
إذا صيتك وصل للصين ولطهران
گمر انت وضوّه بسمه بغـداد
بعد ماغاب عنهه الگمر من زمان
سبحان ربّي اللي تمعمَر بيـك
وماخلق مثلك بين الإنس والجان
يمزَحزح الصخرة ومنهو غيرك
بطل مهيوب عدنَه ولا سوبرمان
أخاف عليك من عين اليحسدون
يبو چف الذهب وفارس الفرسان
خلْ بغداد كلهه تـغرگ تفيـض
المهم حسنك يظل ويقهر العدوان
ندري بالوطن هواي أبطال عنده
بس مثلك منوجد بيـهم ولا چان
أريد وياك صورة تـبقه تذكار
وللتـاريخ تروي همّة الشجعان
ليست هناك تعليقات:
إرسال تعليق