لتصـدگ بخايـن مـرَّه باعـك
والباع برخص يبيع ألـف مـرّه
يسرَّك و أسراره تحطهه أبير
و يمشي وبالهوه سرَّك يذره
موصاحب الياخذ غيبتك بگفاك
ولا صاحب اليطعن صاحبه بظهره
ولا صاحب ليدَوَّر مصلحه ويَاك
وبالشدايـد منك ركض يتبـرَّه
وانت شما وفيت وسهلت ممشاه
يغدر بيك وبدربك يحط عثـره
مثل فحل التوت بس هيبـه تلگاه
ولا تتـرجه منـه تنـطرح ثـمـره
ولو طحت يـوگف ويَّ اليذبحون
ويكَمّْل ذبحــك أبسچيـن غــدره
ويـكيّف من يشوف الحزن جارك
ويسگيك من كاس الشماته زهر مرَّه
الضرس من يالمك والدوه ميفيد
ماترتاح ألا تقـلعه مــن جـذره
ومو كلمن يبچيك تـظـنَّـه ردي
ولا كلمن يضَحْكك تـمشي بأثْـره
چثير من الخلگ طبع الضبع بيهه
وبثياب الحمل تـلگاها مـدَّثره
وأبو طبع الردي لاتظنْ منّه يجوز
وطبع البيـه غير الچفَن مَيغيره
ليست هناك تعليقات:
إرسال تعليق